Behna Na Kehna
The thing that changes the most with time is time...
Time flows, Time flows..
Same time is different for different people..
Once you had to call each and every girl 'behna'..
Try today, and you will learn a good lesson...
To help you against such nasty encounters, GvSparx comes up with
"Behna Na Kehna"
Please don't try this at home!
Sweety, cute, pretty,
madam mam mahotarma...
Jo mann me aaye wo kehna,
Par galti se bhi,
bhool se bhi,
chook se bhi,
kabhi bhi,
kahin bhi,
kisi shehzaadi ko,
ya kudi nawwabi ko...
Behna na kehna,
behna na kehna..
*******************************************************************
Teen vaakiye aapko sunaata hun,
isse pehle zara si daat chaahta hun..
Ek ladka sharmeela,tez zamaane se anjaan,
Samjhdaar ho bhi kaise,daddy sena ke jawaan..
Bhool se bhi bhool agar ho gayi isse,
To ye bechaara to jayega jaan se...
Khaas hidaayat hai papa ki, har ladki ko behen kehna,
Chaahe dunia jo kare, tum apni jaan ki fikr karna..
Tez zamaana,
ladkiya dauhri tez hain,
Abla naariyan ab kahan milti hain,
Aaj koi jwaala koi sansanikhez hai..
Par gareeb ko do joot zyaada padti hain,
Langde ki laathi bhi chatak padti hai..
Achanak kisi din ye gaaon ki gauri se takra gya,
Pita ka maara ye use bhi behen keh ke aa gya..
Aaj sama ye hai ki wo har raksha bandhan pe
Janaab k ghar aati hai,
Ded rupye ki rakhi baandhke
Sau ki patti le jaati hai..
*************************************************************
School rafa daffa hua,
Aajkal janaab college me pad rahe hain..
Udhaar ki zindgi bhi,
Shaan se jee rahe hain..
Khair shaap kahe ya pichhle janm ka paap kahe,
Aise seedhe bande ko ladkiyan kyu maanf kare..
Ek din ik pari ganit ka sawaal lekar aayi,
Dekhne me achhi thi ,par tabhi daddy ki call aayi...
Pita shree ne ladki ki aawaaz suni to unse raha na gya,
Aur is sahabzyaade ko use bhi behen banaana pad gya..
Aaj sama yeh hai,behen ki baat ko taal nahi sakte,
Unke saare assignment karte hain,par paas ja nahi sakte..
***************************************************************
Iss monetry loss aur begaari ke pashchaat,
Aati hai derogatory loss ki baari..
Jo bechaara taaumr yaad rakhega,
Jo pada sabse bhaari..
Suit boot me sirjee interview ke liye safar me the,
Metro ke platform par khade bade besabar se the..
Metro aayi darwaaza khula,
Jaane kyu is badnaseeb ka muh khula..
Aaj ki kanya ko isne "Behenji zara hatiye" bola,
Tatpashchaat "behenji" hi boli, isne fir muh nahi khola..
Madam boli," Behen tum mujhe kis haq se keh rahe ho,
Kis galatfaimi me tum jee rahe ho..
Mere daddy to tumhaari maa ko jaante hi nahi,
Ye baat fir tum kis binaah pe "Behen" keh rahe ho..
*******************************************************
Hotel Management student courtesy me reh gya,
Jo ratta pita tha wo is doctorni ki biology me beh gaya..
Alam hua yu,placement ki interviewer bhi lady nikli,
Aage kya sunau,baire ki nahi behre ki naukri mili..
Aaj janaab metro ko door se hi salaam thokte hain,
Ghabra jaate hain jab female kutte bhaunkte hain..
Ladkiyo ko ishaare karne se bhi tauba kar li,
Radhe Krishna kehte the kabhi,ab jai hanuman boli ratt li..
*****************************************************
kavita ka saar.......
sun lo mere yaar......
Pehle bhi kaha tha,
Ab fir keh raha hun...
Pakka yaad kar lena,
Revise kara raha hu...
Ki sweety tweety bolo,
Chaahe aakho darling cutee..
Galla karo bai ke kalle, chaahe maaro seeti…
Bebe na aakh deyi, uss pakad lenia ghitti..