Zindagi beet rahi hai | Inspirational Hindi Poem

GvSparx - Madhugiri Hills Evening Silhouette

We always have a choice at our hands, but often we are disillusioned by the sense of security, tried & tested stamp and our belief in others more than our own instinct. You can blame your lack of happiness on anyone but deep inside you know it was you who had to make a decision and you made one. Once you make it, you have to own it.



Script : Roman       देवनागिरी

Zindgi beet rahi hai,
Kisi haseen chehre ko lubhaane me
Kisi sabha me jagah banaane me
Kisi apne se peechha chudaane me

Zindagi beet rahi hai
Chaahat ki chaahato ko poora karne me
Samaaj ke maandand par khara utarne me
Aaj ke khwab ko kal par chhodne me

Zindagi beet rahi hai
Apno ke faislo pe jeene me
Gairo ke taano se bachne me
Aaghaaz bina anjaam se darne me

Zindagi beet rahi hai
Khud ki har haar me
Kasoorwaar ki talaash me
Zimmedaario se nazar churaati
Apki, meri zindagi beet rahi hai


Aap chaahein na chahein zindagi beet rahi hai aur bahut tez raftaar se beet rahi hai. Aap ise rok nahi sakte, parantu aapke paas ise behtar banaane ka avsar avashya hai. Aap ise doosro ke ishaaro par jee sakte hain, jee tod mehnat kar wo mukaam haasil kar sakte hain jinme aapki kabhi dilchaspi hi nahi thi. Ya fir aap apne faisle swayam le sakte hain, nayi galatiyan kar sakte hain, unki zimmedaari le sakte hain, unhe sudhaar kar naye raaste ijaad kar sakte hain.


Chayan ka adhikaar aapke haath me hai.

Share this: